MARUJA MALLO.

Durante o primeiro trimestre na aula de 2º de Primaria estivemos aprendendo moitas cousas da vida e da obra da pintora galega Maruja Mallo. Algúns nenos trouxeron fotos da pintora e amosaronas ao resto da clase.

Debuxaron autorretratos e puxéronse nomes artísticos.

Finalmente,convertíronse en pintores e pintoras de verdade pintando a Estrela mariña.

O seguinte mural resume un pouco os seus traballos.

Diploma de lectura.

A biblioteca de aula de segundo de Primaria funciona ás mil marabillas.Estes nen@s son superlectores. Xa temos gañadora (e ademais emocionada) de diploma e primeiro premio por rematar o Caderno Lector composto de dez fichas, unha por cada libro lido. Aos demais alumnos faltalles moi pouquiño para gañar premio. A seguir así, con moito ánimo!!!

Visita á Fundación Abanca.

O pasado martes,28 de novembro, os nenos e nenas de primeiro e segundo de E Primaria desprazáronse a Ferrol ao edificio da Fundación Abanca. Alí, asistiron á Exposición " Sonoro Empeño", unha selección de obras que ilustra a relación entre a música e as artes plásticas.

Finalmente, poideron disfrutar dun obradoiro.

DÍA EN CONTRA DA VIOLENCIA DE XÉNERO.

Con motivo do día en contra da violencia de xénero os nenos e nenas elaboraron unha frase-eslogan.

Tamén disfrutaron de contacontos relacionados co tema grazas aos alumnos de segundo da ESO.

Por último, participaron na "Carreira Solidaria Save the Children polos dereitos dos Nenos e Nenas e pola Igualdade de Xénero", acompañando a un nen@ de E Infantil.

LÚA.

O alumnado de 1º e 2º de Primaria visitamos o Auditorio de Narón para ver a obra LÚA, da man de Teatro dos Ghazafelhos.

Nela cóntannos como a Lúa baixa á Terra para ver que acontece xa que hai moito ruído, berros, enfados… Así vai percorrendo e ensínanos un mundo separado por barreiras e fronteiras, no que non se valora a diversidade nin a xustiza social, un mundo no que uns teñen todo e outros, nada.